أعلن نادي بورتيمونينسي البرتغالي، تعاقده مع حمزة علاء حارس مرمى النادي الأهلي السابق في صفقة انتقال حر، ويستعرض موقع تحيا مصر التفاصيل.

بورتيمونينسي البرتغالي

ويتواجد نادي بورتيمونينسي في دوري الدرجة الثانية البرتغالي، وتم الإعلان بشكل رسمي عن التعاقد مع حمزة علاء حارس مرمى المارد الأحمر السابق.

ورغم تلقى حمزة علاء العديد من العروض في الفترة الماضية إلا أنها قرر الخروج للاحتراف الخارجي، وكان حمزة علاء قد رفض تمديد تعاقده مع النادي الأهلي بسبب عدم المشاركة وقرر الخروج نهائيا.

رسالة وداع من القلب.. حمزة علاء يرحل عن الأهلي ويشكر الجمهور والإدارة

كتب حمزة علاء عبر فيس بوك، قرار الرحيل كان صعب، بس كان لازم أفكر في مستقبلي، يمكن الفرصة مجتش زي ما كنت بتمنى، بس كل حاجة بتحصل بيبقي ربنا سبحانه وتعالى كاتبها ورب الخير لا يأتي إلا بالخير، وزاد حمزة علاء، لجمهور النادي الأهلي العظيم، محبتكم وتقديركم عمرهم ما كانوا مرتبطين بعدد الدقايق اللي لعبتها، دايمًا كنتوا سند، في كل لحظة، في كل بطولة. 

واستكمل حمزة علاء، حسيت معاكم إني أحسن حارس في العالم وأنا بلعب في بطوله افريقيا والأولمبياد، كل اللي بطلبه، إنكم تفضلوا فاكرين إني كنت واحد منكم، ابن من ابناء النادي الأهل، وأشار حمزة علاء، لإدارة النادي بقياده الكابتن محمود الخطيب، شكرًا على كل لحظة حسيت فيها إني جزء من الكيان، ولزمايلي، إنتوا إخواتي وعيلتي اللي عمري ما هنسى أيامها و بتمني ليكم كل التوفيق و النجاح.

وأردف حمزة علاء، ولكل مدرب اتمرنت معاه داخل النادي، شكراً من كل قلبي على كل لحظة دعمتوني فيها أو علمتوني فيها حاجة، ولكل عامل تشرفت بالشغل معاه، انتم عارفين ‏معزتكم عندي، واختتم حمزة علاء تصريحاته، لشعب الاهلي، هفضل دايمًا مشجع للكيان، من قلب التالتة شمال، ويارب أرفع راسكم و اكون عند حسن ظنكم في خطوتي الجايه، و تكونوا ‏دايماً في ضهري وسند ليا زي ما طول عمركم عودتوني، واشوف وشكم علي خير، ابنكم حمزة علاء.