وجه الإعلامي إبراهيم فايق، رسالة شكر بسبب الدعم الذي تلاقه بعد تعرض والده لوعكة صحية أدت إلي دخوله للمستشفي.

تحيا مصر، وكتب الإعلامي إبراهيم فايق عبر فيس بوك: ‏شكرا لكل دعواتكم الصادقة ومحبتكم الغالية للوالد.. الدعاء يرفع البلاء والابتلاء بإذن الله".

رسالة وداع من الإعلامي إبراهيم بعد نهاية الموسم الأول من برنامج الكورة مع فايق

وكتب إبراهيم فايق على فيس بوك، عايز أقول حاجة مهمة جدا لأن النهاردة كانت آخر حلقة في الموسم لبرنامج الكورة مع فايق، وإلى جمهور الكرة المصرية جميعا، أنا بحبكم وبحاول وبسعى كل يوم اني أرضيكم وأقدم لكم خدمة إعلامية مرموقة، سامحوني على أي تقصير.

وتابع إبراهيم فايق، وأرجوكم احسبوا لي سعيي واجتهادي، الشغلانة دي صعبة وإرضاء الكل أمر مستحيل، لكن اللي بطلبه دايما اختلف معايا وانتقدني بس خليك دايما واثق إني نوايانا دايما خير للكل.

وأشار إبراهيم فايق، وافتكر لي دايما اني ليا رصيد عندك، أرجوك متنساهوش الإعلامي رصيد ومشوار، وأنا قطعت مشواري كله قصاد جمهور مصر.

وأردف إبراهيم فايق، انتوا اللي صنعتوا اسمي وكبرتوني وحبتوني علشان اتولدت قصادكم وقصتي كلكم عيشتوها معايا، ولجمهور الأهلي متشكر على دعمكم وكلامكم دايما في حقي وثقتكم فيا وفي فريق العمل. 

واستكمل إبراهيم فايق، استمعت الموسم ده بنجاح الاهلي الكبير وكنت سعيد جدا اني كنت جزء في لحظات كتير حلوة كان سببها الأهلي، شكرا وأوعدكم تشوفوا دايما البرنامج في افضل صورة، ولجمهور الزمالك متشكر على كل كلمة كان فيها نقد علشان عارف محبتكم ليا.

واختتم إبراهيم فايق تصريحاته،  مش عايز أي حد يزعل مني وان شاء الله الموسم الجديد من البرنامج تنبسطوا وتلاقوا فيه كل اللي نفسكم فيه، ولفريق عمل البرنامج، متشكر يا رجالة، دايما مرفوعين الرأس ودايما ناجحين مع بعض.. ليكم في قلبي محبة كبيرة.