حرصت الإعلامية رضوى الشربيني على دعم الفنانة شيرين عبد الوهاب وذلك بعد أزمتها الأخيرة بشأن حفلها في مهرجان موازين والتي استخدمت فيه خاصية البلاي باك، كل اثار غضب عدد كبير من الجمهور.

رضوى الشربيني توجه رسالة لـ شيرين عبد الوهاب بعد أزمتها 

وقالت رضوى الشربيني لـ شيرين عبد الوهاب خلال حلقتها في برنامج هي وبس والمذاع على قناة dmc في تصريحات رصدها موقع تحيا مصر: الناس زعلانة منك أوي، وزعلانين عليكى أوي، أنتي أقوى من الموقف ده، حتى لو هو صعب، وأنتي اللي قلتي: أنا كتير، أنا ألف حاجة على بعضها في حاجة واحدة.

وتابعت شيرين عبد الوهاب حديثها: اختيار غلط، شغل غلط، وناس بتشتغل معاها غلط، ده كفيل يهد كل اللي بنعمله، شيرين عبد الوهاب، الست اللي كنت بشوفها على المسرح كانت بتطلع الموضة.. ربنا مديكي حب الناس.. يلا بقى كفاية كده، لازم تحبي نفسك شوية.. ده انتي نص أغانيكي عن إزاي نحب نفسنا.

رضوى الشربيني توجه رسالة للسيدات 

ووجهت رضزا الشربيني رسالة إلى السيدات، قالت فيها: مفيش صداقة بعد علاقة. الأمان مهم جدًا، لما أكون في علاقة، أبقى متأكدة إني ست آمنة ومطمئنة، العلاقة لازم تكون ليها مستقبل ومحترمة، ساعتها تعرفي إنك مع الراجل الصح، إمتى تقولي باي باي؟ لما يبدأ يسقطك، يكدب عليكي، أو يبقى بخيل حتى في المشاعر. لما يقولك: بطلي كذب بقى، أو يسخر من شكلك.. دي علامات خطيرة، في واحدة عندها 20 سنة وجاهزة للجواز، وفي واحدة عندها 50 ولسه مش جاهزة. السن المناسب للجواز؟ هو السن اللي تكوني فيه جاهزة فعلًا، مش اللي الناس بتحدده.

أزمة شيرين عبد الوهاب 

يذكر أن شيرين عبد الوهاب تصدرت التريند بعد حفلها الغنائي في مهرجان موازين والذي تم احياءه منذ أيام، حيث خرج عدد من الجمهور لمهاجمتها، وذلك بعد استخدام تنقية البلاي باك في الحفل، ما جعل الجمهور يهتف غاضبا "غني بصوتك"، لتسجيب شيرين عبد الوهاب لطلبهم على الفور وبدأت في الغناء بصوتها، وبدأ الجمهور في الحديث عن الفنانة بين مؤيد ومعارض.

وكان قد تحدث طبيب شيرين عبد الوهاب عن تعرضها لأزمة مرضية قبلها ذهابها إلى الحفل، قائلا: حدث جدل حول  حفله شرين بالمغرب، وأود ان اقول ان شرين كانت في حاله صحيه ممتازه عند سفرها للمغرب قبل الحفله بيومين وكانت مبسوطه جدا لاشتراكها في حفله موازين بالمغرب، لكن للأسف صباح يوم الحفله عانت من ازمه صحيه تزامنا مع نزله معويه مما استدعى طلب اطباء من المغرب لعلاجها ونصحوها بالراحه والاعتذار عن الحفله لكنها رفضت احتراما وحبا في جمهورها رغم شده الإجهاد اللي كانت فيه.